Xhamia jonë festoi 30 vjetorin e themelimit të saj
Më 28 janar 2023 xhamia jonë shqiptare «Hëna e re» në Kreuzlingen festoi 30 vjetorin e themelimit të saj.
Në praninë e afro 700 personave, të moshuar e fëmijë të vegjël, kryesia e xhamisë bashkë me forumet e saj, me këndues Kur’ani e ilaijesh, me korrin e nxënësve të mektebit të xhamisë, me mysafirë të lartë nga komuna, kantoni, Zvicra e vendlindja, me ansamblin e valleve shqipe «Drita» nga Kreuzlingeni, u rrumbullakësua kjo natë e begatë e festive.
Për dhjetë vite 520 hatme të kënduara
Duke u nisur nga fakti se leximi i Kur’anit, përpos që është një detyrë e muslimanit, ai është edhe një ushqim shpirtëror i tij, ne si xhemat i kësaj xhamie vendosëm që, krahas leximit të Kur’anit që e bën secili për vete në shtëpi, të lexojmë edhe nga një hatme kolektive (të përbashkët). Hatme do të thotë leximi apo këndimi i gjithë Kur’anit, nga fillimi e deri në fund, përafërsisht 604 faqe.
Turniri tradicional i futbollit në sallë 2019
Më 2 dhe 3 shkurt 2019, Xhamia shqiptare „Hëna e re“ në Kreuzlingen organizoi turnirin tanimë tradicional të futbollit në sallë.
Turniri organizohet në dy kategori: për fëmijë dhe për të rritur si dhe është i hapur për të gjithë pa marrë parasysh prejardhjen fetare, kombëtare e gjinore nga mbarë Zvicra Lindore.
Promovim i dy veprave të imamit tonë Rejhan ef. Neziri
Më 7 tetor 2018, pas namazit të drekës, xhamia jonë organizoi një program të veçantë për promovimin e dy veprave të fundit të imamit tonë, mr. Rejhan ef. Neziri.
Pas një prezantimi të shkurtër të veprave të botuara më herët dhe ato që pritet të botohen së shpejti të autorit R. Neziri, për librin e parë „Për një familje të lumtur islame“ referuan kryetarja e Forumit të Grave Muslimane pranë xhamisë sonë znj. Zulkeflije Nuredini dhe sekretarja znj. Mujasere Imeri-Cana, ndërkaq për librin e dytë „Të jesh musliman në Zvicër - përsiatje teologjike dhe sociologjike“ referuan dr. Mahi Latifi dhe Xhelal Qazimi.
Mevlud dhe tribunë fetare - 26.11.2017
Me rastin e ditëlindjes së Muhammedit s.a.v.s., më 26 nëntor 2017, xhamia jonë organizoi këndim mevludi dhe një ligjëratë fetare. Ligjëruesi i ftuar enkas për këtë rasti ishte Emin ef. Odai, imam në Biel/Bienne të Zvicrës, i cili ligjëroi në temën: "Muhammedi a.s. - njeriu me virtyte të larta morale".
Cikël ligjëratash lidhur me “Radikalizimin e të rinjve muslimanë në Perëndim – procesi dhe sfidat”
Më 21 shtator 2016 në Weinfelden, më 8 shkurt 2017 në Amriswil dhe më 21 shkurt 2017 në Kreuzlingen, imami dhe mësuesi i lëndës fetare islame nga Kreuzlingeni mr. Rejhan ef. Neziri ka mbajtur një cikël ligjëratash lidhur me procesin dhe sfidat e radikalizimit të të rinjve muslimanë në Perëndim për drejtorë shkollash, punonjës socialë, psikologë e pedagogë të shkollave në tri qytetet e lartpërmendura në kantonin Thurgau.
Turniri i futbollit në sallë, Kreuzlingen 2017
Për herë të katërt, Forumi i të Rinjve Muslimanë pranë xhamisë “Hëna e re” në Kreuzlingen, më 25 dhe 26 shkurt 2017, organizoi turnirin e futbollit në sallë, për fëmijë dhe të rritur nga i gjithë rajoni i Zvicrës lindore. Ky turnir sa karakterizohet për aktivitetin sportiv dhe kulturor, po aq edhe për tiparin integrues, pasi në të marrin pjesë ekipe të ndryshme dhe të përziera nga aspekti nacional/etnik dhe ai fetar/religjioz.
Faqja 1 nga gjithsej 11
