El-Hikmeh

"Stop islamizimit të Evropës"

Më poshtë keni mundësi të lexoni për themelimin e një lëvizjeje që mëton të bëhet gjithevropiane e gjithëbotërore për të luftuar kundër islamizimit të Evropës, në fakt kundër Islamit e myslimanëve kudo që janë. Teksti është marrë nga web faqja http://sioe.wordpress.com/ .

-------------------------------------------------------------------

"Stop islamizimit të Evropës" (Stop Islamisation Of Europe - SIOE) është një aleancë njerëzish në mbarë Evropën me të vetmin qëllim që ta pengojnë Islamin të mos bëhet një forcë politike dominuese në Evropë.

Ajo ka filluar me bashkëngjitjen e "Stop Islamificering Af Danmark" (SIAD), një parti politike e përkushtuar për stopimin e islamizimit në Danimarkë, me një asociacion të pavarur njerëzish nga Anglia, të cilët brohorisin "No Sharia Here!" ("Jo Sheriat këtu!"), të cilët duan të vazhdojë e drejta angleze dhe t'i jepet fund rritjes së paevitueshme e kacavjerrëse të së drejtës së sheriatit në Angli.

SIOE po rritet në Evropë me shkrirjen e grupeve të të njëjtit mendim.

SIOE ekziston për ta luftuar ligjërisht ekspansionin (zgjerimin) e dukshëm e të padukshëm të Islamit në Evropë.

SIOE e dënon racizmin si formën më të ulët të çmendurisë njerëzore, mirëpo konsideron se Islamofobia është kulmi i mendimit të shëndoshë.

SIOE konstaton se Islami dhe demokracia janë të papajtueshëm për shkak të vetë mësimeve brenda Kur’anit dhe disa haditheve që përmbajnë të drejtën e sheriatit.

SIOE konsideron se një papajtueshmëri e tillë duket qartazi kur të shikohen me kujdes ato demokraci të holla në vendet ku Islami është fe dominuese.

"Demokraci" të këtilla kanë ekzistuar vetëm në periudhën postkoloniale, që nga fundi i Luftës së Dytë Botërore.

Është evidentuar fakti, edhe atë gjithnjë në rritje, se në vendet islame, qofshin "demokratike" ose jo, jomyslimanët në formën më të mirë janë trajtuar si qytetarë të klasës së dytë e në më të keqen ata janë shtypur.

SIOE beson se kjo rrjedh nga mësimet e Islamit, i cili i nxit muslimanët të ndihen superiorë ndaj jomyslimanëve dhe se Islami duhet të mbisundojë mbi çdo fe apo sistem tjetër politik edhe atë me çdo kusht e me çdo mjet.

SIOE konceptin e muslimanëve "të moderuar" e konsideron si të vështirë për shkak të praktikave islame të Takijjes dhe Kitmanit (kamuflimit), që janë të dizajnuara për të mashtruar dhe çorientuar jomyslimanët me qëllim të promovimit të epërsisë së Islamit mbi çdo fe e sistem tjetër politik.

Për më tepër, SIOE dëshiron që të gjitha fetë të trajtohen para ligjit njësoj si partitë politike pa ndonjë mbrojtje të veçantë ligjore. Kjo do të duhej aplikuar sidomos mbi Islamin, pasi ai është një sistem i përzier politik, juridik e gjyqësor i administruar dhe i mbikëqyrur nga teologët e pazgjedhur, tërësisht në kundërshtim me konceptet perëndimore të demokracisë.

Kjo është arsyeja përse demokracia mungon nëpër vendet islame dhe po ia lëshon vendin teokracisë islame.

SIOE e reflekton qëndrimin e shumicës së njerëzve në Evropë se Islami po favorizohet mbi kulturën vendase evropiane dhe se muslimanët në mënyrë selektive po mbrohen nga politikanët e juristët në kurriz të jomyslimanëve, të cilët shpesh e ndiejnë veten të pambrojtur.

SIOE kundërshton fondacionet e Arabisë Saudite për ndërtimin e xhamive dhe institucioneve të tjera në Evropë dhe kudo tjetër nëpër botë, pasi ai shtet i shpall të paligjshme të gjitha fetë tjera përpos Islamit, të gjitha politikat tjera përpos Islamit dhe të gjitha legjislaturat e tjera përpos Islamit. Krijimit të fondacioneve të këtilla asimetrike duhet thënë "stop".

Nuk ka më xhami, përderisa nuk shohim kisha në Mekkë.

"Mjaft është mjaft!"

---------------------------------------------------------------------------

Disa lidhje anti-islame (të dhëna nga web faqja në fjalë):

www.akte-islam.de
www.vigilantfreedom.org
www.faithfreedom.org
www.fomi.nu
http://godhelpbritain.blogspot.com
www.hetvrijevolk.com
www.islam-watch.org/NoSharia/
www.sioeengland.blogspot.com
http://stopislamisationdesesprits.blogspot.com
www.thereligionofpeace.com

_______________________________________________________

Lëvizja në fjalë për t'i realizuar qëllimet e saj përdor gjithçka që i hyn në punë, duke krijuar lidhje me çdo organizatë, shoqatë a parti politike që kanë intenca e prirje anti-islame e anti-muslimane gjithkund nëpër Evropë, si në Gjermani, Zvicër, Francë, Belgjikë, Angli, Danimarkë, Itali, Suedi, Hungari, Çeki etj. Ata nuk ngurojnë të thonë se kanë lidhje të forta edhe me ato organizata që në fakt aspak nuk i përkrahin. Këtu bëjnë pjesë edhe ata që thonë se kanë qenë myslimanë, e që më pastaj, mbasi e paskan kuptuar se Islami nuk na qenka fe, na janë konvertuar në të krishterë....

Për të kuptuar se çfarë urrejtje, nënçmimi e tallje ushqejnë këta ndaj muslimanëve e Islamit në tërësi, këtë mund ta shohim nga shkrimet dhe maskarallëqet e këtyre njerëzve ndaj kryetarit të Brukselit, Freddy Thielemans, pasi ai e ka ndaluar mbajtjen e një demonstrate më 11 shtator 2007, të organizuar nga ana e këtyre që luftojnë për "Pax Evropa" me rastin e përkujtimit të 11 shtatorit 2001, ku do të hidheshin pankarta kundër islamizimit të Evropës, kundër sheriatit e kundër diskriminimit të evropianëve nga ana e muslimanëve, pikërisht më 11 shtator ngase, sipas tyre, muslimanët teroristë janë ata që i organizuan sulmet ajrore mbi kullat binjake të Nju Jorkut. Për më tepër kliko këtu!