EL - HIKMEH

- Tevhidi dhe rendi politik - Dr. Ismail Raxhi el-faruki
- Tevhidi dhe parimi i ummetit - Dr. Ismail Raxhi el-Faruki
- Rendi shoqëror në Islam - Dr. Ismail Raxhi el-Faruki
- Islami dhe sfidat e globalizimit - dr. Halef Muhammed el-Xherrad
- Idetë socio-politike të Farabiut - mr. Rejhan Neziri
- Jeta fetare në Tetovë dhe rrethinë (studim sociologjik) - mr. Rejhan Neziri
- Familja në Islam - mr. Rejhan Neziri
- Sociologjia islame - dr. Ali Sheriati

...............................................................................................................

Tevhidi dhe rendi politik
Dr. Ismail Raxhi el-Faruki

Vizioni i ummetit është një, të tilla janë edhe ndjenjat a vullneti si dhe veprimi i tij. Ekziston një konsensus në mendimin, vendimin, qëndrimin, karakterin dhe armët e anëtarëve të ummetit. Ummeti është një rend njerëzish i përbërë prej një konsensusi trepalësh: mendjes, zemrës dhe armëve. Ai është një vëllazëri universale e cila nuk njeh as identitetin racor, as atë etnik. Sipas tij, të gjithë njerëzit janë një dhe vlerësohen vetëm sipas përkushtimit e devotshmërisë. Në qoftë se ndonjëri prej anëtarëve të tij fiton dituri, fuqi, ushqim e rehati, detyrë e tij është që këtë ta ndajë me të tjerët. Nëse ndonjëri arrinë mirëqenie, sukses apo përparim, është detyrë e tij t’u ndihmojë të tjerëve që edhe ata t’i arrijnë të njëjtat. Ai është një rend i qenieve njerëzore që vendosin ta qeverisin jetën e tyre dhe të gjithë njerëzve të tjerë sipas vlerave dhe parimeve të ummetit. Ata mund t’u takojnë viseve e bashkësive të ndryshme. Anëtarësimi i tyre në ummet, Sheri’atit i jep autoritetin e plotë mbi dallueshmëritë e tyre. Ummeti nuk mbështetet as në racë, as në territor, as në gjuhë, as në sovranitet politik e ushtarak e as në histori të shkuar. Ai mbështetet në fenë Islame. Secili që vendos Islamin ta marrë si fe të veten dhe ta drejtojë jetën e tij sipas ligjeve të Islamit, ipso facto, bëhet anëtar i ummetit. Ky është kuptimi i kërkesës juridike të Shehâdetit. Nuk nevojitet ndonjë kërkesë tjetër. Duke e zgjedhur këtë opcion, secili person e autorizon vetveten që t’i ushtrojë të gjitha të drejtat, t’i gëzojë të gjitha privilegjet dhe t’i marrë të gjitha detyrat që i parasheh Sheri’ati.

Ky është kapitulli X i librit Tevhidi – implikimet e tij mbi mendimin dhe jetën (Al-Tawhid – Ist Implications for Thought and Life) të autorit Ismail Raxhi el-Faruki, përkth. Rejhan Neziri, bot. Logos-A, Shkup, 2006.

Lexo tekstin e plotë në ose .

Tevhidi dhe parimi i ummetit *
Dr. Ismail R. el-Faruki

Termi ummet nuk është i përkthyeshëm dhe, për këtë arsye, duhet të përdoret në trajtën e tij origjinale islame, arabe. Ai nuk është sinonim as i "popullit", as i "kombit" e as i "shtetit", shprehje këto që gjithnjë janë të determinuara ose nga raca, gjeografia, gjuha dhe historia, ose nga ndonjë kombinim i të gjitha këtyre. Nga ana tjetër, ummeti është tejvendor (translokal), që aspak nuk determinohet nga faktorë gjeografikë. Territori i tij nuk është vetëm e tërë Toka, por mbarë krijesat. Ummeti nuk është i kufizuar as edhe në ndonjë racë. Ai është tejracor (transracial) dhe të gjithë njerëzit i konsideron si anëtarë të tij aktualë apo potencialë. Ai nuk është as "shtet", sepse është një shtet mbarëbotëror që në vete mund të ngërthejë disa "shtete". Po kështu, përbërësit e ummetit quhen përbërës të ummetit pavarësisht nëse ata bijnë apo jo nën varshmërinë politike të ndonjë shteti, qoftë ky edhe ndonjë shtet islam. Ummeti është një lloj "Kombesh të Bashkuara" me një ideologji të fortë e përmbledhëse, me një qeveri dhe armatë botërore që ka për qëllim zbatimin e parimeve dhe vendimeve të tij. Ummeti është rendi shoqëror i Islamit, ndërkaq lëvizja që e pretendon atë, respektivisht që kërkon sendërtimin e qëllimeve të tij, quhet ummetizëm.


* Ky është kapitulli VIII i librit Tevhidi - Implikimet e tij për mendimin dhe jetën, të autorit Dr. Ismail Raxhi el-Faruki, nga anglishtja përktheu Mr. Rejhan Neziri, bot. Logos-A, Shkup, 2006.


Lexo artikullin e plotë në ose .

Rendi shoqëror në Islam
Dr. Ismail Raxhi el-Faruki

Në dimensionin e tij shoqëror Islami është absolutisht i vetëm dhe unik midis feve dhe qytetërimeve të cilat i ka njohur bota. Përkundër feve të tjera botërore, Islami fenë e përkufizon si vetë çështje të jetës, si vetë lëndë të hapësirës-kohës, si vetë proces të historisë - të cilën ai e shpall të dëlirë, të mirë dhe të dëshirueshme në vetvete, sepse është krijesë, dhuratë e Zotit. Vetë çështjen e jetës, vetë lëndën e hapësirës-kohës, vetë procesin historik - të gjitha këto - Islami i shpall elemente përbërëse të fesë.

Lexo artikullin e plotë në ose

Ky është kapitulli VII i librit Tevhidi - Implikimet e tij për mendimin dhe jetën, të autorit Dr. Ismail Raxhi el-Faruki, nga anglishtja përktheu Mr. Rejhan Neziri, bot. Logos-A, Shkup, 2006.

Islami dhe sfidat e globalizimit
Dr. Halef Muhammad el-Xherrad
Nga arabishtja: mr. Rejhan Neziri

Çështja e globalizimit në pesëmbëdhjetë vitet e fundit ka formuar një bosht themelor për një numër të madh të takimeve e konferencave intelektuale e kulturore si dhe të dhjetëra veprave, studimeve e hulumtimeve shkencore. Ajo çka ka rezultuar prej tyre është se globalizimi paraqet një sfidë të madhe të shekullit aktual pa marrë parasysh dallimet në pikënisjet, këndvështrimet dhe pikat e përqendrimit sidomos lidhur me vendet në zhvillim e sipër dhe me popujt që mburren me vlerat e tyre kulturore dhe qytetërimore të nxjerra nga burimet shpirtërore universale, siç janë popujt muslimanë. Fjala "el-'avlemeh" është një term i ri në gjuhën arabe si përkthim për termin anglez Globalization dhe atij frëng Globalisation, që të dy me prejardhje latine nga fjala Glob që do të thotë "rruzull tokësor". ( lexo më tepër...)

Burimi: www.annabaa.org

Idetë socio-politike të Farabiut
Mr. Rejhan Neziri

Duke u mbështetur në mësimet antike greke lidhur me njeriun si zoon politikon (qenie shoqërore / politike), Farabiu flet për domosdoshmërinë e krijimit të shoqërisë pa të cilën jeta e njeriut si individ do të ishte e pamundshme...; Shoqëria-domosdoshmëria dhe qëllimi i saj; shteti ideal dhe udhëheqësi i tij; shtetet joideale-tipologjia dhe veçoritë e tyre. ( lexo më tepër...)

Jeta fetare në Tetovë dhe rrethinë
Mr. Rejhan Neziri

Kjo është njëra kaptinë e punimit të pabotuar të magjistraturës së autorit, ku mëtohet të identifikohen grupet fetare, religjioziteti, faktorët e religjiozitetit, bestytnitë etj. në Tetovë dhe rrethinë. ( lexo më tepër...)

Familja në Islam
Mr. Rejhan Neziri

Familja nga aspekti sociologjik; llojet e familjes; familja në perëndim; familja te muslimnët dhe te muslimanët shqiptarë; familja në Islam; struktura e familjes islame; funksionet dhe qëllimet e familjes në Islam...janë disa nga temat e trajtuara në këtë punim. ( lexo më tepër...)

Sociologjia islame
Dr. Ali Sheriati

Mendimtari, ideologu dhe sociologu iranian Ali Sheriati historinë, historinë e filozofisë, fenë, sheriatin dhe sociologjinë çdoherë i ka analizuar nga këndi i qëndrimit monoteist. Kështu është arritur që monoteizmi të jetë baza e historisë së filozofisë që e ndriçon historinë e njerëzimit dhe bazë e qëndrimit mendimtar dhe ideologjik që e ndriçon ardhmërinë e asaj historie. ( lexo më tepër...)