Kthehu te faqja kryesore

H Y R J E

Vizitorë të nderuar, këtu e keni Kur'anin fisnik në gjuhën arabe, me ç'rast ju keni mundësi ta lexoni ajetin apo suren që dëshironi si dhe ta kopjoni e ngjitni, madje edhe ta përpunoni atë në dokumentet tuaja.

Meqë ajetet nuk janë të skenuara (foto), porse të shkruara në kompjuter, është e natyrshme se aty nuk do të mund t'i gjeni të gjitha shenjat ose mbishenjat e pikësimit sikurse janë në mus'haf. Për më tepër, ne vetë kemi hasur në disa gabime shkronjash apo vokalesh te disa ajete e sure, prandaj edhe jemi munduar t'i reduktojmë ato në njëfarë shkalle. Ne do të vazhdojmë edhe në të ardhmen t'i korrigjojmë ato. (Tekstin arab e kemi huazuar nga interneti).

Ne jemi të vetëdijshëm se korrigjimi i tërë Kur'anit fund e krye është një punë që kërkon kohë e angazhim të veçantë, andaj ne e shfrytëzojmë rastin t'i lusim hoxhallarët (teologët e teologet), e sidomos hafizët e Kur'anit, që të na njoftojnë për gabimet eventuale teknike të ajeteve kur'anore që do t'i hasin gjatë leximit, me çka do të na kishin ndihmuar që ky tekst të jetë i pastër nga gabime e lëshime të kësaj natyre.

All-llahu xh. sh. ju shpërbleftë me të gjitha të mirat!

Vërejtjet si dhe korrigjimet mund të na drejtoni përmes emailit të mëposhtëm, duke theksuar se gabimi në cilën sure e në cilin ajet ndodhet. Mundësisht na dërgoni tekstin e korrigjuar.

Email adresa: info@el-hikmeh.net